41-48 ગામ કડવા પાટીદાર સમાજ એટલે ખેડુતો નો સમાજ. આપણા પુર્વજો મુખ્યત્વે ખેતીવાડી કરીને ઘર ચલાવતા હતા. 1960 ના કાળમાં હાથના વેઢે ગણાય તેટલા લોકોએ કોલેજ કરી સરકારી નોકરી મેળવી હશે કે પછી અભ્યાસને લગતો ધંધો કર્યો હશે.
સમાજના લોકો ગામમાંથી શહેરોમાં સ્થળાંતર કરવા લાગ્યા પછી તેમના બાળકો અભ્યાસ કરવા લાગ્યા. શરુઆતના સમયમાં ફક્ત દિકરાઓને ભણાવવામાં આવતા હતા. દિકરી પરણીને સાસરે જવાની છે અને તેને ફક્ત ઘરકામ કરવાનું છે તે વિચારસરણી ને લીધે દિકરીઓને ભણાવવામાં નહોતી આવતી. પણ સમયાંતરે લોકોની માનસિકતા બદલાઈ, સમાજના આગેવાનોએ કન્યા કેળવળીની ચળવળ ઉપાડી અને દિકરીઓ ઉચ્ચ અભ્યાસ કરવા લાગી. સમય એવો આ્વ્યો કે અભ્યાસ છોડાવી ધંધે-નોકરી લગાડી વહેલા કમાતો કરવા કોલેજ કે તેથી ઓછો અભ્યાસ કરાવવામાં આવ્યો. અને બીજી બાજુ દિકરીઓ ગ્રેજ્યુએટ અને પોસ્ટ ગ્રેજ્યુએટ થવા લાગી અને ફરી સમાજમાં દિકરા-દિકરીઓમાં અભ્યાસનું બેલેન્સ બગડી ગયુ.
છેલ્લા 20 વર્ષમાં નવી પેઢીના દિકરા દિકરીઓએ ઉચ્ચ અભ્યાસથી પોતાના પગ પર ઉભા થવાનું નક્કી કરી લીધુ. કુટુબનાં ધંધામાં જવુ હોય અને ધંધાને આધુનીક તકનીકથી ચલાવવો હોયતો અભ્યાસ જરુરી છે તેવી સમજણ પાક્કી થઈ ગઈ. દિકરીઓ રસોડામાંથી બહાર નીકળી સારી નોકરી કરી સ્વમાનભેર જીવવા લાગી. કુટુંબના આર્થીક રીતે ખરાબ સમયમાં નોકરીયાત દિકરીઓએ ઘરને ચલાવ્યા તેવા ઘણા દાખલા જોવા મળે છે.
સમયની માગને લઈ ભારતમાં કોલેજ કરી ઉચ્ચ અભ્યાસ અર્થે વિદેશમાં ભણવા જવા લાગ્યા. વિદેશની કોલેજમાં પણ અભ્યાસમાં દેશનો ડંકો વાગે તેવા સારા ગ્રેડથી માસ્ટર ડીગ્રી મેળવી દુનીયાની મોટી મોટી કંપનીઓમાં નોકરી કરવા લાગ્યા. ઘણા બાળકોએ ઉચ્ચ અભ્યાસ કરી તેને લગતો ધંધો કરી સારી આવક રળતા થયા.
આપણા સમાજમાં આવા ઉચ્ચ અભ્યાસ કરેલા બાળકોનું સન્માન કરવુ જોઈએ તથા તેમને જોઈ બીજા બાળકો પણ પ્રોત્સાહીત થાય તેવી ભાવનાથી ચોથા સ્નેહ મિલનમાં તેમનું સન્માન કરવાનું નક્કી કરેલુ છે. સમાજની વેબસાઈટ પર તેમના ફોટા સાથે માહિતી મુકવામાં આવી છે. આપના કુટુંબમાં પણ જો કોઈ બાળકે ઉચ્ચ અભ્યાસ કરેલ હોય તો નીચે આપેલ લીંક પર ક્લીક કરી ફોર્મ ભરશો.