દુનીયામાં દરેક જીવ એક સામાજીક મંડળ બનાવીને રહે છે પછી ભલે તે જંગલમાં રહેતા પશુ-પક્ષી હોય કે ગામ શહેરમાં રહેતા માનવ. કડવા પાટીદાર કે જે મા ઉમિયાના ભક્તો છે તે ઉઝા કડવા પાટીદાર સમાજ ના નેજા હઠળ ભેગા થઈ સામાજના ઉત્થાન માટે કામો કરે છે. તો બીજી બાજુ માં ખોડલને કુળદેવી તરીકે માનનાર લેઉઆ પાટીદારો એ અલગ લેઉઆ પાટીદાર સમાજ હેઠળ એક સુત્રે બંધાઈ સમાજ ના દરેક વર્ગની પ્રગતિ માટે કામ કરતા થયા. 

આજે અમેરીકા, કેનેડા, ઓસ્ટ્રેલીયા, ન્યુઝીલેન્ડ, બ્રીટન, યુરોપના દેશો, આરબ દેશો, આફ્રીકન દેશોમાં પાટીદોરો ઘણી સંખ્યામાં જઈને વસ્યા છે. દરેક જગ્યાએ પાટીદારોએ નાના મોટા મંડળો બનાવ્યા છે. દરેક જગ્યાએ બધા હિન્દુ તહેવારો જેવાકે દિવાળી, નવરાત્રી, હોળી, જન્માષ્ઠમી, શિવરાત્રી મનાવે છે. ઉતરાયણ અને પીકનીક માટે પાર્કમાં ભેગા થઈ ઉત્સાહથી એકબીજા સાથે મળી આનંદથી સામાજીક જીવન જીવે છે. પાટીદારો દેશ છોડી પરદેશમાં સ્થાઈ થયા પણ પોતાની કુળદેવીને સાથે લેતા ગયા. જ્યા પણ ગયા અને પાટીદારોની સંખ્યા વધતા સમાજ માટે કઈક કરવાની ભાવના સાથે અમુક લોકોએ મંડળ બનાવી લોકોને ભેગા કરી  નાનામોટા કાર્યક્રમો કરી સહકુટુંબ મળતા રહે છે.

આવી એક ભાવના સાથે  રીદ્રોલ ગામના આર. એસ. પટેલે  બન્ને સમાજ ના અમેરીકામાં રહેતા લોકોની માહિતી ઉઘરાવી ન્યુજર્સીમાં મંડળ બનાવ્યુ. અપરણીત લોકો માટે ફોર્મ ભરાવી સમાજના દરેક લોકોને તેમની માહીતી પહોચાડી સમાજમાં જ બાળકો પરણે તેનો પ્રયત્ન ચાલુ કર્યો. આજે પણ દર મહીને એકવાર તેઓ ઈ-મેઈલ દ્વારા દરેકને આ માહીતી પહોચાડે છે.